რამდენიმე წუთის წინ ბერლინის საერთაშორისო კინოფესტივალის ორგანიზატორებმა, საკონკურსო პროგრამაში მოხვედრილი ფილმები დაასახელეს, რომელთა შორისაც მოხვდა ქართველი რეჟისორის, ალექსანდრე კობერიძის, უკანასკნელი ნამუშევარი, „რას ვხედავთ, როდესაც ცას ვუყურებთ?“.

ბერლინალეს არასაკონკურსო პროგრამაში, სექცია „ფორუმში“, კიდევ ერთი ქართველი რეჟისორის, სალომე ჯაშის დოკუმენტური ფილმი „მოთვინიერება“ მოხვდა. 

წლევანდელი ბერლინის კინოფესტივალი ორ ღონისძიებად ჩატარდება. პირველი, ონლაინ ნაწილი 1 მარტს დაიწყება და 6 მარტს დასრულდება.